花心達明舞台再爆energy
張達明近日正忙於為下月公演的舞台劇《花心大丈夫２》綵排，達明笑言本來視這個舞台劇為一次休息，沒想到反而弄至筋疲力竭。出身舞台的達明，雖然曾奪舞台劇獎風雲人物獎項，但演起鬧劇，他也大嘆不易為，他說：「我之前返咗內地拍嘢，完咗諗住返香港攤抖吓，咁啱香港戲劇協會邀請我演出，呢個會每年都會搞啲重頭製作，今年揀咗《花心大丈夫》嘅續篇，我以前睇過周潤發演嘅《花心大丈夫》，好好笑。」
達明表示鬧劇好難做，要好多energy，他說：「我想試吓挑戰自己，後來先知原來一啲都唔輕鬆，少啲精力都應付唔到，我仲要壓住把聲講兩個鐘對白，雖然辛苦，但勝在好玩，有滿足感，台前幕後又好合拍，好期待快啲公演。」