阿叻願為無綫上戰場
藝人陳百祥（阿叻）與仁愛堂總理蔡珍妮為《善心滿載仁愛堂》進行跳舞綵排。阿叻表示已練習個多星期，笑言因動作太大令他需要接受脊椎治療：「因為我係無綫『手直』舞蹈員，所以我有份演出。」
他表示自己流着無綫的血，現在最希望能獲無綫委派出外「打仗」：「無綫40年嚟都冇競爭對手，一台獨大全世界都冇邊個電視台做到，依家有競爭大家先有進步，我希望做啲前所未有嘅大騷。無綫好似一支機關槍，就算向亞視射都冇意思，有競爭對手係好嘅。」他亦有感無綫藝人有青黃不接的情況，很多藝人北上搵「人仔」，但同時給予了新一批藝人上位的機會。