湯唯晒泳裝抓做邦女郎

五大候選美女為爭做邦女郎，有傳電影可能取消選用華籍女星，令她們進軍荷里活的美夢泡湯。昨晚五強之一的湯唯，出席活動時開玩笑說要煲湯給記者飲，似為泡湯搞爛gag，她承認有關方面曾向她公司接觸，並開腔想跟導演學習，繼續抓做邦女郎。

傳聞是電影《鐵金剛》中邦女郎最後五強之一的湯唯，昨晚出席活動時姍姍來遲，當記者說等她等到心痛，她打蛇隨棍上說：「煲番湯畀你飲。」

對於邦女郎一角，湯唯又講笑謂：「係咪一定荷里活先，其實我唔清楚，不過佢哋係有同公司聯絡過，（你想唔想做邦女郎？）如果有機會都想，佢係一個好導演，有睇過佢套戲，如果係，會係好好學習機會。」她自言未曾做過打女，但平日有做開運動，加上對穿泳衣並不反感，對於邦女郎一角似志在必得。

同場還有名模琦琦、馬詩慧及周國豐伉儷等，琦琦笑言是「鞋子控」，買鞋幾達瘋狂階段，更指老公任達華一向支持她購物，她說華仔比她更愛購物，最近便買了一對價值四萬元的鞋。她說：「老公仲話我呢排衣着太隨便，因為依家個心喺晒個女度，湊女返學要低調，唔好浮誇，不過老公都講得啱，呢排開始勁入貨。」

文：名人組