林海峰發台瘟冇嘢噏
林海峰（Jan）前晚一連六場「是但噏‧我好驚」在紅館開騷，林氏上下舉家撐場外，好友陳奕迅、張智霖、袁詠儀等都來支持。為配合「我好驚」主題，除舞台充斥萬聖節詭異氣氛，更未料到Jan台上三度發台瘟，他尷尬說：「第一場我好驚，講到邊？」觀眾見Jan口窒窒即笑翻肚皮。
Jan由自爆44歲開始有白頭髮講起，指男人有白頭髮即用腦太多，但男人真正個腦在「下面」，笑言：「下面仲係黑色，係咪即大部分時間冇用腦！」Jan又用梁朝偉（偉仔）妙論「偉哥」，說男人都不想似偉仔在《阿飛正傳》出幾分鐘就完場，想做《一代宗師》有排都未煞科，並自稱不用食「偉哥」。
笑偉仔劏房有市
論盡圈中筍盤偉仔和城城，Jan笑言：「偉仔被嘉玲私有化，但好多人唔介意同佢劏房！城城樓底唔高，樓齡唔少，但樓層Keep得好，鋼水一流，但被內地女仔以首次置業上咗車，仲用對腳落訂。」Jan亦即場變聲扮早前網上Hit爆的「小學雞」講：「我唔想嚟，點解扯我嚟！」即笑爆全場，又指香港家長逼仔女補習學樂器，提議學吹嗩吶，可在寶福山開騷大把fans。
至於葛民輝和草蜢來做嘉賓，與Jan台上扮鬼扮馬開「末日派對」。事後Jan對忘詞失手，自嘲是44歲老人癡呆。而阿葛上次為Jan做騷跳到心肌梗塞入院，阿葛笑言已提早一星期操練體能。
文：音樂組