陳偉霆認買筍盤收租

陳偉霆（William）昨日出席電台訪問，對於被雜誌踢爆近日成功做業主，他大方承認說：「係，啱啱喺香港區買咗樓。」問到是否與女友蔡卓妍（阿Sa）築愛巢？William說：「絕對唔係，買嚟收租，係送畀媽咪等佢安心啲。（女友教買樓？）唔係，係家姐，佢覺得呢個盤好筍，呢層樓只有我同家姐睇過。」

孝順仔的William透露小時候已答應會照顧母親：「細細個已經同媽咪講會陪佢到老，所以我呢一生都會同媽咪住。（唔驚婆媳糾紛？）冇諗咁遠。」他強調與阿Sa是財政獨立，亦希望努力搵錢購買億元獨立屋。