JW膽生毛：黎明似蠟像

不經不覺加盟Amusic已經一年半的JW，昨日接受手機app「樂Loop」訪問，談到對老闆Leon的感覺？率直的她說：「最初仲未見過面嘅時候，Leon畀我感覺係好遠，你永遠都掂唔到，好以蠟像放咗響蠟像館咁。」嚇到主持即刻補鑊：「係偶像。」

螢光嘴唇騷美腿

JW亦賣口乖謂經相處後，每次跟Leon傾偈都獲益良多，亦曾試過一同翻看老闆的MV：「睇到佢嘅演出，我忍唔住同佢講：『you are so hot』，我希望將來可以好似佢咁hot，咁成功。」

JW大變身，以美腿示人。

JW希望他日有老闆黎明的成就。（資料圖片）

一直以抒情慢歌為主打的JW，於新碟中來個大轉變，在首支跳舞快歌《Juicy Girl》的MV中又唱又跳，並以多款造型配螢光嘴唇和大騷美腿的百變形象示人，JW謂從未想像過要接觸跳舞，老闆Leon希望新歌能有她自己風格，故要求她一手包辦所有舞步，JW坦言：「我當時真係好驚，驚到想即刻返英國，因為怕自己跳得唔好會樣衰。」而Leon為支持這位愛將，更在MV中客串一角。

見老闆娘有壓力

幸好這時候老闆娘Gaile出手相助，JW表示：「Gaile教我應該點樣先會跳得好睇，仲即場跳畀我睇。」JW指全憑有Gaile的教授，才能夠令MV拍攝順利完成，她說：「第一次接觸Gaile係做第一隻碟要去美國影相，當時真係好開心，但又感覺到有無形壓力，連坐飛機都唔敢食早餐。」

文：音樂組