陳茵媺讚陳豪愈肥愈靚仔
與陳豪打得火熱的陳茵媺與模特兒傅嘉莉昨日出席護膚品活動。近日頻頻亮相的陳茵媺被記者笑指應該豬籠入水，她笑言：「我都希望唔好畀佢停，多啲機會見大家。（儲夠錢買樓未？）仲儲緊，依家個市仲好高，等佢低啲先啦！不過呢啲嘢我都係交畀爸爸處理，我都想快啲買到樓投資。（同陳豪夾份？）遲啲先，依家唔諗呢啲住，我同爸爸夾份。（唔預陳豪？）唔好諗得咁遠住。」她事後補充與陳豪財政獨立。
提到陳豪被指發福，陳茵媺聽罷即力撐男友：「係咩？我覺得佢靚仔咗。（叫佢keep吓？）其實我哋肥瘦都係因應角色。（佢變咗大肥仔都鍾意？）我覺得性格同心地先最重要，一個人嘅性格可以改變佢外表。（陳豪喺你眼中最靚仔？）係呀！」
