陳嘉桓胸險幾乎蝕底

親民合照

人氣急升的影壇新貴陳嘉桓，前晚身穿電影宣傳T恤及熱褲騷美腿，與粉絲們在銅鑼灣鬧市宣傳新戲《競雄女俠—秋瑾》。

Rose親力親為派發道具木劍、T恤、海報及postcard等贈品，她還高舉旗幟落力宣傳，惹來大批市民爭相搶奪，有途人及遊客要求合照時，Rose亦親民合照。

Rose捧着大批道具木劍派給市民，男士、師奶都爭住攞。

Rose有求必應大方與fans合照。

期間Rose捧着大批道具木劍於胸前，有師奶不顧儀態去搶，更險些觸碰其胸部，嚇得Rose只顧傻笑，幸未有蝕底。事後Rose說：「好多人嚟搶木劍，不過都畀佢哋突如其來舉動嚇親，係有啲驚嘅，但好彩冇事，冇掂到，可能佢哋趕住攞啲劍去耍太極啩。」

拉客捧場

Rose直言首次為電影到鬧市派贈品，她感覺好開心：「派嘢時反應好好，有內地遊客同我合照時，我都有用普通話叫佢哋睇部戲，雖然自己戲份唔算多，但都希望大家入場支持。」Rose透露稍後將離港返內地拍戲。

文：專案組