趙哲妤任勞任怨 絕食博挖角
所謂「有麝自然香」，有實力的人自然會得到別人賞識。不少人都認為認真及專業的工作態度，是最吸引人的地方。不少外籍女模認為性格人見人愛和學好廣東話有助打入香港市場，但亦不及趙哲妤為影一輯靚相而「絕食」的投入程度！
The Kitchen Musical活動
趙哲妤「我肯學、肯做、勤力、又任勞任怨。好似之前影寫真，就算我病咗，食完藥好眼瞓，我都堅持影足24個鐘！為咗影到最佳嘅效果，我仲喺影之前兩、三日開始唔食嘢，真係好捱得架！」
JellyGirls成員布睎尤「我會好珍惜機會，又聽教聽話。如果有一個job可以提高知名度，就算要好性感，如果公司批准，我都願意不收分文咁演出！最重要係有好嘅機會。」
Cara G.「我覺得我嘅笑容係我嘅賣點，我成日都好開心，好易相處。同埋我工作態度好好，從來唔會遲到，亦會尊重每一個工作夥伴。」
尹子維「我好勤力、易話為、又隨和，工作態度認真。拍戲之前一定會做足功課，會睇熟劇本。我覺得最重要係有好好休息，但係拍戲成日都要捱夜，做十幾粒鐘，我都會保持專業嘅工作態度。」
Melanie Z.「我覺得自己識多國語言係一種優勢。因為媽咪係香港人，所以識講廣東話，希望可以再學好啲！同埋我覺得自己影相好自然，而且好有個人風格，可以令人留下印象。」
婚紗活動
莊思敏「我好多才多藝，做模特兒又得、拍廣告又得、行騷、電視劇、電影、做主持同電台都得。真係好抵用，一份人工，可以做到好多嘢。」
內衣騷
Jessica C.「唔理咩工作，我都會盡力做，就算做20個鐘都唔會有怨言。而且我對每個人都好好，唔會同人結怨，亦會待人如己。」
亞姐Vita C.「我對自己嘅身形好有自信，而且高度係我嘅優勢，好適合行時裝騷。如果一個人有自信，做乜都會得心應手。」
長長狗狗派對
姚嘉妮「我嘅賣點係我已經做咗人哋阿媽。可以吸引到師奶，層面比較唔同。而且又可以吸納到小朋友粉絲。」
連詩雅「我好肯學新嘢，接受能力好高。無論外形同音樂嘅風格都勇於嘗試。」
楊愛瑾「我唔怕辛苦，又聽話。自己試過為拍戲連續三日瞓得四至六個鐘，當時又要拍戲又要排舞。」
永安百貨A/W時裝騷2011
宋熙年「我係TVB出品，公司又畀咗好多機會我曝光，同埋我都儲咗3、4年主持經驗。仲有我係中華小姐，三語流暢都係優勢。」
楊崢「我勤力、抵用、平靚正，又任勞任怨，試過拍旅遊特輯返朝6晚12，拍飲食節目又可以一日食8餐。仲有我好專業又愛挑戰，叫我去南極北極我都唔怕危險。」