李妮養大閘蟹公諸同好
踏入秋天，又是食大閘蟹的好季節，前亞姐李妮和老公在陽澄湖有個蟹場，自5年前只幫朋友訂蟹來港大擦後，今年她終於決定公諸同好，將大閘蟹運來香港的餐廳售賣，展開代理生意，她說︰「其實真正嘅陽澄湖大閘蟹唔多，而且靚嘅蟹通常都運咗去北京、上海，好多香港朋友唔放心喺街市買大閘蟹，難得我喺陽澄湖有蟹場，亦有酒家，所以好多朋友搵我幫佢哋訂蟹返香港。」既然每年都幫朋友訂蟹，李妮決定開拓成生意，將大閘蟹運來香港，在一間法國餐廳售賣。
愛好食大閘蟹的李妮，每次可一口氣食6隻自家蟹，每隻重達8、9両，盡享口福，她說：「我哋啲蟹係天然飼養，唔落任何激素，唔准有污染，之前睇新聞話有人用動物屍體餵蟹，又落激素，真係好恐怖。」
另外，李妮教大家揀真正的陽澄湖大閘蟹：「大家要記住四大特徵：青背、白肚、金爪、黃毛，咁先係靚蟹，買蟹時應該幫襯正規商家，仲要唔好忘記睇三樣標識：統一店招、專營統一編號、戒指防偽查詢。」