陳茵媺讚男友乖唔拍情慾片

台慶劇《荃加福祿壽探案》昨日在荃灣宣傳，阿姐汪明荃、梁靖琪、王祖藍、阮兆祥、李思捷、陳茵媺、苟芸慧等均現身撐場，朱璇更以露背裝搶風頭。鑑於挖角潮成全城熱話，演員亦大玩「接棒」及「防挖角」遊戲，當「導演」被挖走後，祖藍即笑說：「都係挖咗杜琪峯、林嶺東同林超賢啫！」至於阿姐將「花旦」交棒給苟芸慧、陳茵媺時，更嘲自己已是「滷水蛋」，笑爆全場！

咀阮兆祥好warm

席間，陳茵媺透露在劇中飾演女鬼，並與阮兆祥有咀戲，被問到男友陳豪會否不敢欣賞其咀戲？她笑說：「佢冇話唔敢喎！（咀祥仔好大犧牲？）冇，好warm好舒服。（邊個好咀啲？）傻瓜，唔答喇！」對於疑似名模Jessica C.情慾片外流，茵媺坦言不知情，談到外國人較開放，向來鬼鬼哋的她說：「我係好傳統嘅中國女仔，冇呢啲興趣！」並指歷任男友均是乖乖仔，從沒要求拍情慾片：「我入咗行之後連相都少影，只會影物件同風景。（叫陳豪畀你影？）哈哈！乖啦，留畀你哋（記者）影！」

梁靖琪、陳茵媺、劉俐玩遊戲被眾人挖角。

右起：李思捷、阮兆祥、王祖藍活動上玩遊戲，阿姐自嘲「滷水蛋」。

阿姐唔認人工高

此外，阿姐被問到有否被挖角時說：「除非TVB炒我魷魚，否則都唔會走。（傳大幅加人工？）戥啲同事開心，貼近番巿價。（你好高人工？）TVB不嬲都唔係高薪！」明年入行45周年的阿姐表示想告別喜劇作新嘗試，亦不奢望再奪視后。

文：影視組