周秀娜掟男友入雪櫃
周秀娜與男友陳偉成（Avis）相戀以來一直甜蜜，但近日卻傳出傅穎介入，令兩人戀情起暗湧，周秀娜昨日直言與男友處於冷靜期，期間一度講到眼濕濕。
周秀娜、羅仲謙、楊梓瑤（Carol）、陳嘉桓及王晶新女童菲等昨日齊集遊艇為新片宣傳，擁有34E上圍的Carol穿比堅尼上衣大晒事業線，走路時更跌蕩非常，搶盡只騷長腿的女主角周秀娜風頭。
拖謙仔落水
周秀娜與男友Avis先後多次於公開場合晒恩愛，不過自Avis早前趁女友不在港時「曳曳」，接載謙仔舊愛傅穎後未有即時「報案」，惹來不誠實之嫌。周秀娜決定需要時間冷靜，更把情侶關係降格為朋友。
周秀娜昨日出席新片宣傳時，被問到與Avis是否變回朋友關係？她坦言雙方的確少相處時間，更向坐於對面的謙仔謂：「你感情唔順唔好拉落我度啦！」令謙仔不懂如何回應。
對於有指Avis因接載傅穎未有告知，因而感情生變，周秀娜謂：「主要原因都唔係呢樣，我未小家到咁，佢咁鍾意做柴可夫，我好樂意畀佢做。（係咪對你唔坦白？）感覺奇怪囉，我係從經理人口中知，平時習慣『打底』。（對男友係咪大打折扣？）我嚟緊都要去內地拍劇，大家可以冷靜吓！」周秀娜說罷即眼濕濕，不過她透露現時雙方尚有聯絡，關係未至於太差，更會給予Avis挽救這段情的機會。至於謙仔對於舊愛介入周秀娜與男友之間大感愕然。
冇拍情慾片
談到Jessica C.近日繼涉偷後，再有疑似情慾片段流出，周秀娜與謙仔均異口同聲戥對方慘，周秀娜謂：「作為女仔太傷害，我冇興趣睇，亦冇拍過，做嗰啲嘢時係享受，仲要對住鏡頭會好攰。」
採訪：影視組