黃奕俠女上身打出拚勁
內地女星黃奕於新片擔大旗，拍攝期間吃盡苦頭，打到手震仍手執大關刀遇敵殺敵，原來未拍之前，黃奕也要經過監製冼國林這一關，打敗不少對手，才成功登上「女一號」，並用了半年時間學功夫練騎馬，為演活一代英雌——秋瑾，不辭勞苦！
監製冼國林與導演邱禮濤繼《葉問前傳》後再度合作，製作電影《競雄女俠－秋瑾》，為了拍攝此片，兩位幕後主腦花盡心機心神，在選角初期，冼國林曾考慮過李冰冰、周迅及范冰冰，但最終選了黃奕！談到箇中原因，冼國林說：「李冰冰的年齡唔係咁適合，周迅亦差唔多，范冰冰就外形太艷，所以最後都揀咗黃奕。」
手震震舞關刀
雖然《競》片不是億元大製作，但都是一部投資過五千萬的大型電影，又是以女主角「孭飛」，不找頂級女星擔大旗，畢竟有點冒險，冼國林並不認同：「我覺得只要劇本好、製作好，一部戲反而能夠帶紅一個人，之前已經有好多例子，我搵黃奕嘅原因，除咗佢嘅外形好合適之外，佢仲願意花咗半年時間學功夫、練騎馬，呢一樣就唔係個個女星都可以做得到。」
拍攝前已花了如此多工夫，拍攝期間更加一絲不苟，黃奕打到手瘀腳瘀已是閒事，有一次連冼國林也為之動容，他說：「我見佢打到連揸杯都手震，原本可以搵替身拍下個鏡頭，但佢堅持自己繼續打，仲要拎住把好重嘅關刀嚟打，一個弱質女子可以做到咁，我真係好欣賞。」
秋瑾後人力撐
俗語有云，好事多磨，《競》片有好劇本、好演員，但開拍期間卻遇上阻滯，一向尊師重道的冼國林，當然很想好好調解事件，可惜最終未能成事，最後只好依法律去解決，不過，電影對秋瑾致敬的誠意，總會有人看得到。日前，電影於杭州舉行發布會，除獲秋瑾曾孫女專誠撐場外，族中輩分最高、年屆102歲秋瑾外孫女王慰慈亦親筆題詞預祝票房大收，冼國林過去一年來為《競》片所付出的努力，總算沒有白費。
文：影視組