黎明妙解啜核金句

身為Amusic老闆的Leon，昨日接受旗下公司開設的「樂LOOP」訪問，並解釋「空肚食早餐」的經典金句。Leon表示慣了一早起來先飲暖水，然後食藍莓素及維他命丸，之後才吃早餐：「慣常動作，要肚裏面有啲嘢先，不過我都唔記得幾時講過呢句說話。」對於經常愛拋金句，他笑言：「人哋聽咗好開心，其實我冇特別諗過。可能內地出世嘅人，文化上鍾意用比喻令人聽得明白啲。」

至於12月紅館個唱名為「Leon Xu」，黎明亦親自解碼：「『Xu』係crossover與你意思。」他指名不想太長，最緊要簡短易明。既然與歌迷crossover，因此，Leon表示個唱會與歌迷互動，除了可即場解答歌迷對金句的疑問，亦可讓歌迷在台上演唱：「做咁貴嘅台，咁貴嘅音響，畀佢哋做吓歌手感覺囉，借埋咪畀佢哋都得。」雖然是老闆，但Leon亦成了旗下歌手們的心理輔導員，他笑言：「一齊傾吓做嘢嘅事，唔傾對方唔知你想做乜。」

Janice為老闆祈禱

另外，衞蘭（Janice）前晚到電視城為《勁歌金曲》錄影，因籌備稍後的廣州演唱會而瘦了一圈的她，被問到老闆娘樂基兒以「Maybe」來回應婚變傳聞，Janice笑說：「咁我都Maybe啦！Leon向來都好尊重我嘅私生活，我都一樣尊重佢，我會為佢哋祈禱。」

文：音樂組