陳山聰時機未熟未見伍姑娘
陳山聰因「絕交電話」而與多年好友伍詠薇鬧翻，縱然他解釋只因玩「truth or dare」才鬧出大頭佛，伍姑娘仍不為所動。山聰昨日出席活動時表示希望當面向伍姑娘道歉，但得悉好友在隔籬廠錄影時卻說：「今日唔係好時機。」
陳豪、陳茵媺、張可頤及陳山聰等昨日在電視城為新劇《天梯》拜神，談到早前與好友伍詠薇（伍姑娘）因通「絕交電話」而反面，山聰坦言心情尚未平復：「修補關係需要時間嘅！（佢唔接受你公開道歉？）唔知！say sorry唔等於一定要人原諒，但我有責任講對唔住！」他表示以往亦曾激嬲伍姑娘足足一個月，問到當年如何「氹番」對方？他說：「要等佢慢慢好番，唔可以逼佢同煩佢，如果有機會都會當面道歉！」當記者指伍姑娘在附近錄影時，山聰卻表示：「唔會喇！我要做嘢，今日唔係好時機，呢啲嘢應該私下解決！」並指事後曾WhatsApp對方，但不獲回覆。
陳豪戀情被玩
對於其「truth or dare論」被外界指是藉口，他無奈地說：「我只係講事實，但唔代表其他人接受。（女友何超雲唔鍾意你識朋友？）唔會，總之係自己搞嘅『大頭佛』！（估伍姑娘原唔原諒你？）我唔敢答！但尊重朋友嘅決定。」
此外，陳豪與陳茵媺拜神時遭取笑似拜天地，陳豪坦言感到經常被玩：「惟有盡量唔出聲囉！（有冇人叫女友做阿嫂或陳太？）佢哋冇你哋（指記者）咁過分！」陳茵媺聞言即指着愛郎說：「我好鍾意呢句！」
超雲自爆胃痛
另賭王三太長女何超雲昨晚於微博透露自己胃痛，回家陪三太食飯並上載了一張與媽媽合照。
文：影視組