Kelvin致歉還栢芝清白

張栢芝髮型師好友Kelvin Koo昨日突然在微博向栢芝公開道歉，並說「帶比（畀）她不必要的麻煩！本人十分抱歉！」又強調栢芝為其代理的Baby車宣傳「沒有收取任何費用。」記者致電Kelvin追問因由，他即內疚地表示：「依家有網民誤會咗栢芝，我想強調三樣嘢，第一，栢芝拍呢條片純粹拍心口，冇收任何錢；第二，條片拍咗成年，大家見到Lucas個髮型都唔同；第三，Lucas拍嗰陣冇病冇發燒。栢芝咁有義氣幫我，但我累到佢咁煩，我好抱歉。」至於栢芝經理人Emily，則直言對事件感無奈：「我哋只係想幫朋友，畀人咁樣話好無奈。」