陳偉霆小強上身生人勿近
舞王陳偉霆前晚佩戴真曱甴鏈墜錄影節目，笑言因此變得生人勿近。他又自爆打算於萬聖節剃腳毛及穿高踭鞋反串蒲老蘭，但卻不怕反串扮相比女友蔡卓妍索，更賣口乖說：「點扮都唔夠佢靚！」
英皇歌手陳偉霆（William）、鄭希怡（Yumiko）、洪卓立及詩雅等，前晚錄影由伍詠薇及阮兆祥主持的《變身男女Chok Chok Chok》。鑑於是次以萬聖節為題，眾星齊齊扮鬼扮馬，William的鏈墜更內藏一隻真曱甴，他說：「條鏈係造型師借嘅，不過戴咗『小強』之後冇人敢埋我身囉！」問到會否與女友蔡卓妍戴情侶曱甴鏈？他說：「唔會啦！佢驚o架！」
萬聖節玩反串
談到萬聖節將至，William自爆要剃腳毛及着高踭鞋扮女人到蘭桂坊夜蒲：「想約埋啲男同事一齊扮，希望有人撩啦！（預埋女友？）如果佢得閒都會。」Yumiko即笑問他會否擔心反串後比蔡卓妍漂亮？William冧爆說：「點都唔夠佢靚！」
至於最近轉戰內地的Yumiko表示，不介意帶髮型師男友參加William的「變性P」。她又踢爆William閱女無數，故不擔心被男扮女裝的人騙倒。
文：影視組