琦琦教好囡囡勿貪心

名模琦琦與歐陽妙芝昨日齊齊出席活動，她們從小已教導子女不要偷竊，琦琦說︰「由細到大都有同個女講唔好偷嘢，日常生活都有例子發生我身上，就好似前幾日做瑜伽留咗個運動袋喺健身室，上咗的士先發覺，袋入面有passport，第二日要去武漢工作，於是就折返，嗰時健身室有好多人，不過個袋仲喺度，可以攞番。」
琦琦表示相信世上大部分人都不會貪心。
琦琦表示相信世上大部分人都不會貪心。

而歐陽妙芝則說︰「我都有教小朋友唔好偷嘢，我唔知囝囝明唔明我講乜，但我會向佢哋灌輸呢個理念，就好似大仔早前扮蜘蛛俠整傷，我都有同細佬講番，叫佢唔好跑來跑去，唔知佢哋幾時明白同開竅，希望有日佢哋突然間驚醒！」

歐陽妙芝帶同囝囝出席活動。
  • 歐陽妙芝帶同囝囝出席活動。