周柏豪昨日出席新款相機發布會，熱愛攝影的他慶幸能以興趣帶來不少工作及行善機會。他又稱曾遇到同為攝影發燒友兼偶像的周潤發：「試過去偏遠嘅地方影相見到發哥，好興奮！（即場偷師？）冇呀，唔想騷擾佢。」
柏豪外婆早前腦中風入院，更一度認不出乖孫，他說：「外婆依家好番好多，返咗屋企。之前佢唔認得我，我傷心到喊，一星期去三、四次探病，同護士、隔籬床都熟晒。（睇中護士？）冇，專心探病。」此外，柏豪前晚與余文樂再度出戰籃球賽，以大比數勝出。
