無綫巨頭密斟反擊挖角潮
正值多事之秋的無綫，昨日召開特別股東大會，無綫高層方逸華、梁乃鵬、陳志雲專誠前往電視城開會，對現場記者提問一律封口，氣氛緊張，未知是否秘密商討新一輪留人大計。之後梁乃鵬、陳志雲出席《潛》劇晚宴。
前晚突然傳出消息，指無綫靈魂人物六嬸方逸華、陳志雲、梁乃鵬、陳國強等將齊集電視城召開特別股東大會；由於近日無綫正值多事之秋，在挖角潮衝擊下，台前幕後人才相繼流失；雖然無綫已出招留人，但在如此敏感時期召開股東大會，遂惹來密謀新一輪應急對策揣測。昨午二時許，六嬸、陳志雲現身無綫行政大樓，但卻沒有回應是否出席股東大會及陳國強是否與會等。而於五時許才現身的梁乃鵬，則否認特別股東大會之說。
梁乃鵬寸馬浚偉
會後，梁乃鵬再趕下場宴請《潛行狙擊》劇組，陳志雲、樂易玲亦列席。席間梁再強調早上並非開股東大會，問是否傾談商業秘密？他即搞爛gag謂：「商業秘密梗係唔公開，你攞支槍指住我個頭都唔講。」他又指有信心應付挖角潮，並謂加人工只是因應物價作出調整。問到是否全公司加？他即說：「適當時候會。」他又強調人才流失未如報道般多。談到馬浚偉早前指收視報捷的《紫禁驚雷》冇飯局，梁乃鵬指自己請飯局有宗旨，就是平均收視必須超過三十點，寸味頗濃。
宗澤失鑽石耳環
同場的黃宗澤透露為《衝上雲霄II》拍攝節目巡禮時損失慘重：「我跌咗隻卡幾嘅鑽石耳環，成十萬蚊，當時放咗喺個袋度，最衰吳卓羲啦，佢叫我除嘅。」記者笑言叫胡杏兒「送番」，黃宗澤笑說「唔使」。至於謝天華對黎耀祥指《法證III》收視高開而令其奪視帝信心大增，天華即謂：「我唔識計，唔係為獎而拍劇。」
文：影視組