合作品牌讚態度專業

JC憑「警鐘胸」人氣急升，火速被內衣品牌睇中，連續五季擔任內衣代言人。昨日被問到是否知悉JC涉嫌盜竊六百元一事，品牌發言人回覆說：「今日睇到報紙，呢件係佢個人嘅事，唔作出評論。總之過往同佢合作，每次都好愉快，佢做嘢好認真。（今次事件會唔會影響你哋往後的合作？）其實每次代言都逐次決定，每季再諗，依家秋冬廣告做晒，下年春夏產品未出，未知啱唔啱佢，所以仲未決定用邊個模特兒。（撐唔撐佢？）呢個係社會準則，唔可以話撐唔撐。」發言人認為事件尚在調查階段，所有評論都會對她不公平，並再次強調JC是專業模特兒。