楊愛瑾大小姐執狗糞
楊愛瑾昨日帶同愛犬出席「長長狗狗派對」活動，表示獨居後首次養狗，她說：「之前同屋企人住，由家人照顧狗狗，我負責玩，媽咪都話我以前喺屋企係大小姐，依家為隻狗清理大小便。（係咪男友郭永淳送？）係屋企隻狗生嘅BB，（揀男友係咪都要鍾意狗？）最好，鍾意狗會有愛心。（郭生鍾唔鍾意狗？）我諗佢鍾意。（同佢一齊放狗拍拖？）我放狗多數係一大班朋友。」
同場的傅明憲對好友古巨基舉行個唱，她說已看了頭場，大讚基仔跳舞好，對於有fans喺個唱中要求佢同助手結婚，問她私下有冇叫佢咁做？「私下講嘅嘢唔會公開。」