三太信超雲撐山聰
賭王何鴻燊的三太陳婉珍昨日出席「廣華『牆』青Goal Go高」的步行籌款活動，對於愛女何超雲的男友陳山聰近排新聞多多，三太表示：「其實都冇乜點睇法，來來去去都唔識點講，有啲傳聞又誇張咗，睇人唔係睇呢啲！」她表示不方便評論山聰跟伍詠薇鬧翻一事，由得對方去處理，問到山聰的人品時：「OK吖，我都信個女嘅眼光！」
同場的草蜢擔任榮譽大使，剛巧成員之一的蔡一傑是伍詠薇好友，他說：「人哋講絕交咪絕交囉，佢（伍姑娘）份人好率直！（安慰伍姑娘？）唔緊要，佢仲有大把朋友，有老公、愛人同埋好多死黨朋友錫佢，相信佢唔會放喺心入面！」
