莊思敏嗒林忠豪當試菜
自從和吳浩康分手後，模特兒莊思敏的單身生活毫不寂寞，先後被拍得和廖碧兒緋聞男友林忠豪及叢培崑等男士吃飯。自言享受現狀的莊思敏，以「試菜論」來妙喻挑選男友不能心急，並且未有否認和林忠豪的發展可能。
莊思敏和陳嘉容昨日為珠寶婚紗晚裝匯演行騷，不過卻見性感谷胸上陣的莊思敏演繹婚紗時，衫身明顯寬鬆，和陳嘉容合照時更見她露出nude bra。事後莊思敏直認因近來綵排舞台劇而瘦了五、六磅，故行騷時也感驚險，怕踩到裙身而走光。
父母有問
對於近日被拍得和廖碧兒緋聞男友林忠豪及叢培崑等男士吃飯，單身生活十分充實，莊思敏笑說：「飯總係要食，不過呢個星期都冇出去食飯。我父母返咗嚟，都陪唔到佢哋食飯。（父母問你感情事？）睇咗新聞咪問兩句，我答係朋友，佢哋冇再追問。（叫你帶畀佢哋見？）梗係冇，只係朋友。」
睇定啲先
莊思敏續說父母未有催促拍拖，更反問記者有否男士好介紹，至於會否考慮跟林忠豪發展，她說：「做乜個個都逼我？睇定啲先，我唔心急拍拖。識多啲朋友，同多啲唔同人食多啲飯，先知自己鍾意食乜菜。（乜菜都試？）係，食飯啫，唔好諗咁多。我好享受現時工作，每樣都可以試吓。」
文：名人組