陳茵媺晒Bra逼陳豪過目
「筍盤」陳豪被本報獨家踢爆暗撻港姐陳茵媺後，終於承認戀情，接受祝福。不過舊愛廖碧兒卻似未忘懷，其助手更在微博數臭他。陳豪昨日與高海寧行騷後大方回應說：「唔緊要，多謝佢！我都係普通人，有時好，有時唔好，其他人批評我唔介意！」
被寸唔介意
陳豪表示無看過該博文，故此無感覺：「我係一個向前望嘅人，過去一切都係美好回憶，我依家只想有美好將來！」連番被拉落水，陳豪說：「唔介意，過去一切唔可以否定，我都要為將來打算！」
至於女友陳茵媺昨日為新劇《法證先鋒III》宣傳，期間播出她除剩Bra一幕，她坦言拍攝時感尷尬：「監製話劇情需要，保證拍出嚟OK，我冇詳加考慮就拍咗，最緊要投入角色。（私伙Bra？）梗係啦。（畀唔畀陳豪睇？）要睇晒成套，要佢畀專業意見。」提到她與蕭正楠恩愛互餵，她即甜笑說：「劇情需要。（陳豪冇眼睇？）要佢睇，大家都係專業嘅演員，希望唔好係『大家冇眼睇』。」
文：專案組