古天樂祝郭羨妮快生仔
早前備受腳傷困擾的古天樂，前晚終不再以拐杖示人，並親為時裝展擔任模特兒，不過其步伐卻明顯緩慢；自評貓步尚算合格的古仔，說現在不用戴腳箍反而不習慣。對於早年因拍劇而傳出緋聞的郭羨妮日前結婚，古仔表示和對方久未聯絡。「喺度恭喜佢新婚愉快，快啲生個細路啦！（幾時到你？）冇諗，隨緣唔急得嚟，做嘢忙到休息時間都冇，驚忙得滯連做物療時間都冇。」他續說要待明年二月後才可拍到動作片，至於現在可否拍床上戲，他笑說：「睇吓大唔大動作，睇劇情需要，我冇所謂。」
同場以中性打扮現身的模特兒Alice B.，表示有時會被女性追求，「其實我都覺得開心，因為唔係平常發生嘅事，始終女仔眼角高，所以被欣賞係一件好事。（同女仔拍拖？）呢刻唔會，但如果愛一個人係不分性別，但呢一刻冇發生，同埋我唔係同性戀者。」
