羅力威意想不到fusion菜
歌手羅力威（Adason）自言對食冇乜要求，平時在家多數以即食麵或飯盒醫肚，出外則通常光顧茶餐廳或日式食店，所以對於這次嘗試樓上cafe的意法fusion菜感到十分新鮮，他說：「我好少食歐洲菜，意大利嘢我會諗起pizza、肉醬意粉嗰啲。」而這間cafe有兩項主打，一不加味精，二不用微波爐，希望將最新鮮健康的食物送到顧客面前。
當日大廚為Adason預備了四款招牌主菜及小食，分別是蛋汁白菌煙肉意粉、龍蝦汁大蝦帶子扁意粉、紅酒白菌鵝肝長通粉及意汁番茄煮藍青口，讓平常食慣味精的他一嘗無添加美食滋味！而老闆知道Adason愛吃粉麵，特別將意粉全不過冷河，令他有爽口感覺。
Adason細心聽完介紹即開動，試勻四款菜式的他舉起拇指大讚好味，他說：「最鍾意煙肉意粉，因為本身鍾意食濃味啲嘅食物。平時我食嘢會狂落調味，好似芝士粉、辣椒醬等，但呢度嘅食物唔落調味都好正，我初時仲驚淡味添！」
髮型：bux@hair corner
場地：Le Coin Cafe