古巨基守身如玉開騷派檸檬

古巨基（基仔）一連三場演唱會昨晚開鑼，以閃爆禮服型爆登場，他表示孭住九萬粒水晶上身，非常墜手，當歌迷大嗌要求基仔除衫，守身如玉的基仔笑言：「今晚係演唱會，唔係夜總會！」

基仔昨晚假紅館舉行《Amazing World Tour2011演唱會》，全場爆滿，好友張家輝、傅明憲、陳志雲、樂易玲、洪卓立、鄺美雲及吳家樂夫婦等都有捧場，非常熱鬧，但未見緋聞女友助手Lorraine的蹤影。

昨晚，四面舞台布置充滿童話感覺，高掛住不少巨型的可愛吊飾，基仔在打扮成木偶公仔的dancers陪伴下出場，他身穿閃令令的銀色紳士禮服，手持閃爆「士的型」咪高峰，向全場大叫：「Welcome to Amazing World！我係今晚嘅獎門人！」隨後唱出情歌《花灑》及《年年有今日》。

基仔一向個性風趣，在個唱上不忘以爛gag介紹歌曲《眼睛不能沒眼淚》，他表示：「呢套衫有九萬粒水晶石，好重型，我成身嘅打扮，係有班阿姐以人手逐粒縫上去，但因為太閃，班阿姐要戴住太陽眼鏡去縫，仲標晒眼水！」當全場歌迷着他除衫露肌肉，基仔說：「吓？除衫？你哋係咪入錯場呀？呢度係演唱會，唔係夜總會呀！」

採訪：音樂組

古巨基守身如玉 開騷派檸檬