子淇網購癮帶挈好友創業

陳君宜投資千萬創立網上購物平台，昨日與丈夫鄭躬明出席開幕儀式，更變身model壓軸行騷，而好友徐子淇丈夫李家誠亦有到場支持，問到子淇是否VIP客戶？陳君宜說：「所有好朋友都係VIP，（佢有冇掃貨？）開始嘅時候朋友都好支持會買嘢，依家多咗啲街客。」陳君宜又透露創業意念有部分源自子淇：「佢好鍾意上網買嘢，又有品味，有時會send畀我睇，連我都鍾意埋，同埋覺得（網上生意）有得做。（開BB Line畀子淇shopping？）都有諗過，循序漸進。」身為創業初哥，陳君宜亦言會遇上困難，幸有老公提點，她說：「有時半夜佢記得啲嘢會即刻叫我起身抄低，呢半年都冇乜點休息。」

讚「李俊熹」有韓feel

另外，子淇父親徐傳順昨日出席「金至尊」活動，提到孫仔即冧爆掏出手機向記者展示孫仔李俊熹（Triston）靚相，笑逐顏開的他說：「中文名有啲韓國feel，係成家一齊喺堆名度揀，英文名係佢媽咪（子淇）改，佢好鍾意個名同埋少人用，依家4個幾月啦。（擺百日宴？）屋企人食咗飯。」徐父又言覺得Triston比較像女婿李家誠，至於會否再為Triston設宴？徐父就透露Triston將與李家誠胞兄李家傑的三個BB齊齊舉行派對，問女婿如何獎勵子淇誕下麟兒？他說：「錫兩啖囉，仔女都一樣啦，我覺得佢（李家誠）錫女多啲。」

徐傳順	徐傳順展示手機中孫仔近照，小俊熹明顯比子淇抱着時長大不少。	（左起）陳君宜與鄭躬明開創網上購物平台，好友李家誠到場支持。

採訪：音樂組