Hidy潛入菲島箍煲
o靚模余曉彤（Hidy）早前與男友感情出現裂痕，她即約對方到菲律賓旅行箍煲，Hidy表示會來一招水底示愛，又主動送吻，誓要重燃熱戀期的甜蜜。
最近不少o靚模均釀情變，余曉彤與拍拖五年的潛水教練男友Willian感情亦亮起紅燈，事緣早前Hidy與蔡依林男友錦榮的舊緋聞被翻炒，令Willian大為呷醋！為保五年情，Hidy急急向公司請假，相約男友到菲律賓旅行，展開箍煲之旅！
感染負能量
Hidy表示好姊妹Jeana（何佩瑜）最近鬧分手，要經常安慰對方，但其實自顧不暇，因深怕負能量會「傳染」，惟有暫時賣甩Jeana：「其實唔止Jeana，身邊好多朋友都有感情問題，我唔想好似佢哋咁，話晒我哋拍咗拖五年，咁就散好可惜。」她表示與男友到菲律賓一星期，會晚晚傾「蜜」偈，一於「有嗰句講嗰句」，重拾戀愛信心，Hidy說：「我哋都識潛水，所以我會喺水底向佢示愛，搵啲海洋生物見證。（呢招教Jeana？）咁又唔得，佢游水唔係咁叻。」
笑容甜到漏
身處菲律賓的Hidy與男友Sweet爆，日間玩盡陽光與海灘，夜晚在岸邊歎燭光晚餐，二人世界果然令感情大為改善，Hidy自拍時主動親親男友臉頰，從兩人甜到漏的笑容，相信五年情的確有得救！
文：影視組