Rainbow甘為偉仔除衫

未夠20歲的冬甩大師姐胡心諾（Rainbow）入行已三年，閱歷較同齡朋友都要多，因此她不時以「前輩」身份跟好友講道理：「我都係90後，都覺得好多呢代人缺乏責任心，聽到有朋友返工竟然放飛機，我會同佢哋分析咁係唔好。」

Rainbow自言如與偉仔合作，不介意為藝術而裸露。	胡心諾入行三年經歷不少，思想較同齡人士成熟。	放大圖片

不屑寸寸貢

在今年的寫真戰中，Rainbow相比Jeana（何佩瑜）或Phoebe（許穎）顯得較為柔弱，但她對狠辣言辭或「置人於死地」的氣燄不以為然：「我覺佢哋太寸嘴，唔應該踩低人抬高自己！」

不經不覺，Rainbow已推出三次寫真集，將忙於拍攝月曆及到夜店捽碟的她希望事業有大突破，嘗試做歌手及拍戲，最想與周星馳及梁朝偉合作！

她自言是星爺的粉絲，幾乎睇勻對方所有作品，每次睇《少林足球》及《九品芝麻官》都會笑到碌地。她知道不少星爺電影的女主角都要扮醜，但她不介意，更表示有機會會向星爺Sell自己。

不介意扮醜

至於三級片，Rainbow表示暫時未能接受，但提到偉仔即雙眼放光：「親熱戲可以，但裸露戲就唔得，除非好似《色，戒》卡士咁大，又有梁朝偉，就可以為藝術犧牲吓。」個性慢熱的她，自覺對着鏡頭仍會感到不自然，因此每朝會對鏡說話訓練口才，亦聽朋友教路當鏡頭是人樣，感覺果然輕鬆不少。

潔身自愛唔睬飯局

不少女星都傳被問價邀約出席飯局，Rainbow亦有聽聞，但她直言潔身自愛，絕不會作不道德的交易：「大部分邀約都畀公司隔晒，就算真係有人搵我，我都唔會騷佢，我會答『你都傻嘅，我唔做架！』」Rainbow表示父母沒有阻止她入行，因她承諾過要行得正企得正，不想令家人擔心。

Profile

姓名：胡心諾（Rainbow）

年齡：19歲

身高：1米66

三圍：32B、24、34

簡歷：08年以16歲之齡參加亞洲遊戲展入行，並在節目《美女廚房》中與方力申傳緋聞而為人認識。

文：立影

攝：吳文聰