廖碧兒大方祝福林莊戀

廖碧兒自去年狠撇陳豪而搭上富二代林忠豪後，直至日前林忠豪被本報踢爆近日頻頻帶莊思敏出席友人飯局，盛傳二人撻着。前晚兩名「豪女郎」廖碧兒與莊思敏分別出席活動，同樣表現得落落大方。

莊思敏強調並非林忠豪與廖碧兒之間的第三者。	廖碧兒與林忠豪再見亦是朋友。	已離開無綫的廖碧兒，難得與鄭嘉穎碰頭，即雞啄唔斷。

合辦慈善機構

「過去式」的Bernice與鄭嘉穎等出席電影首映時，透露與林忠豪已有一段時間未有聯絡，不過之後會與對方合辦慈善機構，對於「舊愛」林忠豪與莊思敏的緋聞，她說：「我有睇新聞，不過我唔過問佢嘅私人嘢。（莊暗示你哋分開咗？）唔知。（如果佢哋拍拖？）咁我會恭喜佢哋。」

至於「現在式」的莊思敏現身手錶活動時，表示揀手錶猶如揀男友，要內外兼備。被問到林忠豪可有內涵？她說：「有嘅，外表又OK順眼。（可以拍拖？）邊有咁容易。（差咩？）感覺，仲有好多因素。（佢追你？）好難答，你問番佢啦。」

大膽表白尷尬

得悉對方單身的莊思敏表示自己不急於拍拖，她又透露身邊還有其他人追求，但各人落力程度不同，當中有人表白太明顯令她感到尷尬。

對於面對Bernice時會否感到尷尬？她表示未有考慮過，同時澄清自己不是Bernice與林忠豪的第三者，林忠豪亦不是她與吳浩康的第三者。

文：影視組