鄭融老外男友派定心丸
鄭融與新人連詩雅昨日出席有關退休計劃活動，鄭融退休仍然遙遠，記者笑她早日嫁個富二代便不用做，她承認有好多富二代朋友，但只限朋友，冇拍拖feel。又說與老外男友感情穩定，不過他沒有向她求婚，26歲的她亦要先為事業打拚，不會閃婚：「男友睇報紙見到莫文蔚同梁詠琪都嫁畀外籍男士，就對我講：『This is ok，don't worry。』當初我哋喺埋一齊都擔心國籍問題，所以佢依家畀到大家安全感。」
連詩雅首次參演的電影《喜愛夜蒲》有九百萬票房，她十分開心，說如果過千萬會夾錢請食飯，又報喜說：「首主題曲係我填詞同唱，喺Youtube點擊率近百萬，真係好開心！」