昆凌大話連篇電視上見周董
【林淑汶台北直擊】台灣混血o靚模昆凌因被拍到與周杰倫（Jay）同遊法國而人氣急升，昨日她與台灣女星陳喬恩為在台北舉行的i.t秋冬時裝騷2011擔任模特兒，由昆凌打頭陣，陳喬恩壓軸，受緋聞帶挈，昆凌人氣力壓陳喬恩。
提到Jay，昆凌多番迴避，問到對方的穿衣風格時，她更擘大眼講大話說：「我淨係喺電視上見過佢。（會唔會幫男友揀衫？）唔會，我冇時裝觸覺，我冇自信，信唔過自己。（Jay有冇唱歌畀你聽？）我唱歌都係去卡拉OK。」未知昆凌是否情變還是受壓而封口！
至於陳喬恩透露忙於在上海拍劇，下月會到倫敦取景，她表示未有拍拖對象，並直言恨拍拖：「如果有男友，我唔會做咁多嘢，我係戀愛至上嘅人。（老外啱唔啱？）我冇乜所謂，最重要溝通到。（閃婚？）唔排除，有個人出現又覺得合適都會。」