英國萬人迷球星碧咸最近梳飛機頭上《WSJ》雜誌封面，現年36歲的碧咸在訪問中自認開始感覺年老。他自爆幾年前已搵到人生中首條白頭髮，更笑言自從女兒夏柏舒芬出世後更增加不少，而他亦自問與十年前時的感覺完全唔同。
此外，他亦爆老婆Victoria向他透露懷有女兒時只是拉他一邊輕描淡寫表示：「係呀仲有呀，我哋將再做人老竇老母喇！」。