周秀娜下身密封「焗」住騷胸
早前因拍戲弄傷右腿的Chrissie，傷口久久未埋口，故打算做手術療傷！不能穿短裙騷長腿的她，工作機會仍然接踵而來，全因她以騷胸頂替長腿，更揚言將以低胸「通風」造型拍攝《紫荊俠》﹗
周秀娜（Chrissie）及陳嘉桓前晚為Acupuncture時裝活動行騷，問到Chrissie為何收起性感？她解釋：「係大會指定服飾，不過我反而擔心會甩褲，一來size唔啱，二來近期瘦咗。」她透露最近時常出埠工作，不習慣當地飲食，亦沒有住家飯吃。加上日前腿部受傷，被迫戒口，所以清減不少。
怕中暑暈低
Chrissie埋怨腳傷為她帶來不少不便，不但不能穿短裙，拍戲時亦要導演就鏡頭、遮遮掩掩。她笑言自己喜歡光明正大：「好彩《紫荊俠》嘅造型好好，下身包得好實。（咁上身呢？）上身好通風。如果唔係會焗親，我都怕會中暑暈低！因為有好多打鬥場面。（練打？）依家安排緊，啲動作都想自己做番。不過隻腳仲未好番，好番就會練。」
做手術治理
Chrissie坦言腿部已傷了兩個月，康復進度未如理想，加上快要到內地及馬來西亞工作，故令她萌生做手術的念頭，她無奈地表示：「個傷口太深，埋唔到口。（怕唔怕留疤？）都怕，個傷口都有一隻食指咁長。依家用防水膠布黐住，搞到傷口發炎同周圍皮膚敏感。（男友有冇呵番？）都會覺得心痛，佢都有陪我睇醫生。（叫佢陪你返大陸拍戲？）要拍兩個月，冇咁多時間。」
文：名人組