杜汶澤靠老婆出糧呻慘

杜汶澤、江若琳、邱禮濤等前晚出席寰宇電影《高舉愛情》煞科宴，適逢江若琳於本周五生日，電影公司特別送上啞鈴蛋糕，而片中飾演啞鈴選手的她，更即席孭起拍檔阿澤，不過阿澤卻顯得面紅紅，他謂：「男女授受不親，咁嘅姿勢梗有反應。」

剛完成兩部電影拍攝的阿澤，透露將投入賀歲片《八星抱喜》，談到將夥拍扮瞎的熊黛林，阿澤抵死地謂：「佢盲先鍾意我，擘大眼就鍾意郭富城！」雖然今年共拍了八部作品，但阿澤坦言依然窮困：「因為片酬畀晒太太，我出月薪15,000蚊，比99年離開亞視時16,800仲低！真係要節衣縮食，主要支出都係萬歲同埋入油，所以就算片酬加到1億都冇用。（冇叫太太加啲？）冇得加，老婆話依家正值股市低潮期，雖然我哋冇股票揸手，但花無百日紅。」

阿澤坦言將全部片酬交由太太管理。

江若琳獲公司送上啞鈴蛋糕預祝生日。

江若琳驚現雙下巴

至於江若琳則表示為角色增加20磅，雙下巴乍現，皮膚亦變差，故現時除以中醫調理外，還正積極減磅，談到拍攝時被舉重鐵杆壓傷，她說：「其實大家睇到嘅受傷相已經係第二次拍，第一次傷得仲勁，成條鐵杆壓落頭，痛到標眼淚，但自己逞強再拍，結果仲傷得緊要，結果送入院，醫生話係肌肉軟組織受損，不過唔擔心生唔到仔。」

文：影視組