Tom唔認窮 蔡穎恩拒送補品
樂隊Mr.成員Tom和陽光妹何思諺（Leanne）自相戀到宣布婚訊，負面新聞不絕。最近傳出Tom因收入低微買不起補品給Leanne補身，令大肚Leanne「瘦蜢蜢」。Tom否認有關傳聞，表示：「窮唔窮係睇點去比，Leanne健康冇病冇瘦就OK！」
Mr.成員Tom和Leanne奉子成婚，Tom被指收入有限冇錢買補品給Leanne，前晚Tom出席時裝活動時回應道：「我覺得唔應該亂寫，因為Leanne屋企人住海南島，佢哋睇到報道會擔心，同埋窮唔窮係睇點去比。老實講，我夾band唔會有錢得去邊，但只要佢健康冇病冇瘦就OK。（照咗係仔定女未？）小器呀，唔講住。」他又叫大家不用擔心，他與媽咪都有買補品給她。
上落唐樓唔方便
對於另一傳聞指Leanne和Tom的弟弟不和，故拒跟Tom弟同住而搬走，Tom強調二人關係好好：「其實搬走係因為我住唐樓，要行四層，Leanne懷孕唔方便行上行落，所以一直都想搬。」面對種種傳聞，Leanne昨在微博上載文章作回應，她笑指雜誌看圖寫字，令她在養胎期間增添笑味，所以她感到很快樂，還要飲奶給「杜杜」（BB）營養和做個健康媽媽。
穎恩：咪加鹽加醋
身為Leanne的好姐妹又是Tom舊愛的蔡穎恩（Evelyn），昨日回應Tom被指冇錢買補品一事說：「冇問咩事，唔想幫佢哋回應，令到其他人加鹽加醋。（你會唔會送補品畀Leanne？）唔到我送，老爺奶奶會送啦，我送BB衫就得。唔想畀咁多壓力Leanne，畀啲空間佢哋啦。Leanne一向都瘦，我亦會替佢開心，希望BB健康，擺喜酒時我會去飲。」
文：名人組