朱慧敏爆笑料：以為sell寬頻收線

朱慧敏前晚為無綫節目《變身男女Chok Chok Chok》錄影，她直認有收過挖角電話，更踢爆有同事錯將「挖角」電話誤認為「推銷寬頻」電話，十分搞笑。朱慧敏笑言：「原來好多人都收到（挖角電話），有同事一聽到『城市電訊』，以為sell寬頻，就收線或者無聽留言囉。」朱慧敏表示自己雖有聽留言，但暫無跳槽打算：「好多謝無綫畀好多機會我去嘗試，合約仲有幾耐唔方便講，呢份工算係我選美後第一份工，暫時無諗住出去出面。」問到監製曾勵珍是否積極找藝員傾偈作挽留？朱慧敏說：「暫時未搵到我，總之我會畀心機做嘢。」