梅小青 劉家豪過檔價任開

最近ＴＶＢ四面楚歌，同時面對城市電訊主席王維基、Now電視台及內地公司向無綫埋手挖人才，除藝員及編審外，不少著名監製亦在名單中，在無綫効力逾廿年的劉家豪及梅小青，據知已成為最新目標，有ＴＶＢ「神鵰俠侶」之稱的兩人曾分別捧紅黎明、周星馳、陳豪及黎耀祥等，更分別贏得最近三年最佳劇集，難怪獲內地製作公司任開天價過檔，但條件是要孖住加盟！對此，梅小青承認半年前已開始有內地公司斟洽，至近日特別多，但因仍忙於ＴＶＢ工作而未有決定，至於丈夫劉家豪表示他們忙得連家事亦沒有時間傾：「佢今（昨）日生日都唔得閒食飯！但我哋有共識會共同進退，忙完先認真傾。」

阿佘不作回應

曾與兩人合作的藝人均表不捨，陳豪雖對ＴＶＢ有信心，但指若劉梅離開會很失望：「《洛神》開始已經同小青姐合作，當正佢兩個係父母！」另他代緋聞女友陳茵媺澄清無意離開無綫；鍾嘉欣亦表示會很捨不得，希望不是事實，並大讚兩人做事盡心盡力；吳卓羲亦同樣表示可惜：「無論佢哋去到邊，都係我心目中嘅好監製，但唔擔心之後劇集水準。」麥包大讚梅小青勤力親切，經常開工至半夜。至於身在蒙古開工的佘詩曼表示沒有留意香港新聞，故不方便回應。

眾星微博賀壽

最近與梅小青合作《法證先鋒Ⅲ》的黎耀祥聞言亦感愕然，但仍祝福對方有好發展：「如果係真就好可惜，佢咩都親力親為，但最緊要工作開心。」祥仔昨日在微博恭賀梅小青生日，希望《法》劇可再次創造電視劇的神話，同劇的張可頤、楊怡及胡定欣亦送上祝賀。

對於家姐梅小青被睇中，今年三月已約滿無綫的梅小惠表示姊妹同心，會跟隨家姐決定，她搞笑說：「家姐愛ＴＶＢ我就愛ＴＶＢ，佢愛Now我就愛Now，但如果佢愛王維基，我就唔得喇！因為佢結咗婚。」

文：影視組