青雲贊成挖角娥姐聽老公話
無綫同期出身的劉青雲及商天娥，對於視圈挖角潮睇法比較輕鬆。青雲認為是好事，同業相信會有較大的發揮空間，當問到太太郭藹明有否接獲挖角電話時，他笑說：「佢keep住都有人搵，只係佢自己唔做啫，呢啲嘢佢決定。（好難避有吻戲，所以唔想佢拍？）大家都係呢行明嘅，最怕接咗又做得唔好，唔湯唔水啫。」
至於盛傳已決定過檔的商天娥，昨日表示老公不想她離巢：「佢叫我睇定啲先，我始終覺得娘家好啲，做生不如做熟，我唔想做開荒牛。拍戲嘅嘢都好講對手，梗係大家熟啲好玩啲。新公司條件可能好好，但舊公司有基礎，我驚有時啲嘢太短暫，所以婉拒咗嘞。」
