梁家樹樂易玲唱好TVB
無綫高層樂易玲及梁家樹為穩定軍心，除奔波約見藝員外，昨傍晚時分更聯袂《九江十二坊》演員薛家燕及陳錦鴻、江美儀等，於餐廳拍攝宣傳花絮，最後演變為「效忠無綫誓師大會」，就連路過的梁靖琪及吳家樂也加入，幫手唱好公司。
開始時薛家燕已明言支持公司，梁家樹更以身作則謂：「我出過去拍電影，但始終覺得ＴＶＢ好，我對公司特別有感情，連老婆（前高層蕭笑鳴）都喺度識。」此時其女兒梁靖琪即插嘴：「我都算飲ＴＶＢ奶大。」吳家樂亦說：「我未做藝員之前，喺度做收音師o架。」
對於林峯直言追隨自己，樂易玲說：「好冧、好窩心，其實藝員部好大，若有不足之處，藝員同事可以選擇搵梁家樹、曾勵珍或者我講，最緊要係一條心搞好公司。（有傳架空咗你喎？）應該咁講，梁家樹同曾勵珍都冇人可以取代，我就邊個都可以取代。」她又謂其實公司上下都有收到邀挖角短訊：「我當佢junk mail（垃圾郵件）。（林保怡回巢傾成點？）傾佢返嚟拍劇，佢考慮緊，佢唔係個向錢看嘅人，最緊要係角色有得發揮啫。」