銀彈鎖定目標 楊怡心郁杏兒O嘴

有「電訊魔童」之稱的城巿電訊主席王維基，繼以高薪挖走無綫不少編劇編審人才後，昨日再伸出「魔掌」，狂發「挖角短訊」給逾百名台前幕後，除呼籲大家轉發給「有志之士」外，又留下聯絡方法讓心動者「打蛇隨棍上」，勢將電視王國「一Q清袋」！

廖碧兒傳已動筆

據知，王維基已鎖定吸金力特強的三生三旦為目標人物，包括「亞洲視帝」林保怡、「收視福將」馬浚偉、「靚仔視帝」鄭嘉穎、「多產花旦」楊怡、「視后大熱」胡杏兒及「志雲叛將」廖碧兒，連正獲製作資源部總監樂易玲力挽的馬德鐘亦是「收購」之列。王維基助理昨日透過電話訪問承認公司已廣發短訊給幕前幕後，而且反應不俗，但拒絕透露人數，王生稍後亦會親自接見部分「有心人」。

胡杏兒獲欣賞開心，但要飲水思源。

身價以無綫劇及大陸劇每集酬金計算

「挖訊」昨日在無綫瘋傳，不少小生花旦坦承曾收到短訊及電話，包括陳豪、黃宗澤、胡杏兒、楊怡、鍾嘉欣、高海寧等，其中楊怡更揚言心郁郁！她在查小欣節目中不避嫌表示「見錢開眼」：「一個電話當識個朋友囉，向錢看都有心郁。（開價？）唔識，諗幾大就開幾大！」但隨即澄清與無綫尚有多年合約：「始終我喺藝員訓練班出身，識得飲水思源。」

高海寧冇諗過轉工。

鍾嘉欣滿意目前薪酬。

至於胡杏兒透露「挖call」由王維基親自致電給她，雖感愕然，但亦開心獲欣賞：「話晒係TVB養大我，要飲水思源！就算再多錢，但我會尊重合約精神。」對於有指拍檔鄭嘉穎獲加薪16倍，杏兒笑言要對方日日萬歲，但因思鄉病而未能長期駐內地工作，並強調自己人工不俗。而廖碧兒則對獲「欽點」感開心：「咁即係對我嘅表現有信心！」但盛傳她已動筆。

嘉欣海寧唔覆電

除了一線小生花旦外，王維基亦有意斟洽不少上位藝人過檔，其中鍾嘉欣表示曾收挖角短訊，但沒有回覆，問到若王維基出錢「贖身」會否離巢？她直言滿意目前薪酬，亦不想因瑣事影響工作。高海寧則對自己獲「寵幸」感驚訝：「我冇覆任何嘢，都冇諗過轉工！」又笑指自己人工不俗，加上公司照顧有加，故誓留守無綫抗外敵。

文：影視組