李彩華兒戲舊情來去如峯

現年27歲的女星李彩華入行11年，感情生活向來低調，今次她罕有暢談入行後的三段情，包括林峯、王傲山及潘啟翀。

當年李彩華與林峯合作電影及劇集而傳出緋聞，有指男方以零食攻勢追求，李彩華說：「當時日見夜見，自自然然成日一起，唔關零食事，但合作完之後就少見咗，無疾而終。我有諗過點解話淡就淡，覺得感情好兒戲！」

提到第二位男友王傲山，兩人關係維持了一年半，李彩華表示該段時間充滿煩惱，因要面對跟寰宇的合約問題，又要返內地拍劇，兩人聚少離多，最終還是敵不過分手的命運。

期望童話婚禮

失戀不久，李彩華在舊朋友聚會中認識潘啟翀（Derek），兩人相處過大感投契：「我又要返內地拍劇，Derek就積極咁解決，佢好細心，一得閒就嚟探我，令我覺得自己都要好似佢咁珍惜呢份感情。（結婚對象？）我都想同佢開花結果。」提到理想婚禮，李彩華希望與老公能以公主及王子的造型亮相，接受大家的祝福。

文：影視組

髮型：Daniel Chou @ Hair Corner　

場地：Hair Corner