六嬸發火點名留低馬浚偉

隨着政府明年批發多三個免費電視頻道牌照，一輪挖角潮亦頓時捲起，令無綫內部大地震，除了小生、花旦、歌手紛紛表態有意離巢外，上至高層、幕後監製、編劇，以至甘草演員也展開大逃亡，無綫揸弗人方逸華，對連日來的報道相當不滿。

高層面前激動落淚

為免情況惡化，六嬸即召來三大巨頭梁乃鵬、李寶安及陳志雲上陣，並列出三大重點，下令他們火速解決，處理公司內憂外患問題，以穩定全台人員軍心，第一點是針對近期的逃亡潮，要求三人向有離心的同事了解，為何有那麼大怨氣？其次便是中高層集體離職問題，是否真的如外間所說，人工低時間長？最後乃四大唱片問題，務求要挽留人才。而於三大重點當中，六嬸重點要求率先處理馬浚偉解約事宜，因為他是首位未約滿便要求離開的藝員，故務必要他回心轉意繼續留低。

據知六嬸有留意馬浚偉近期的演出，包括劇集《紫禁驚雷》、主持節目《大廚出馬》及《正識第一》等，認為他是個人才，不明為何會有離開之意，故點名要求他留下。有傳馬浚偉曾於高層飯局上流淚，據知他的眼淚並非為自己流下，反而憂慮公司前景，向梁乃鵬透露藝人鮮為人知的苦況，寄望高層們能重視，否則離去的藝員只會愈來愈多，令公司損失慘重。

雖然六嬸今次下的命令沒有樂易玲份兒，但眼見公司如此境況，近日亦有聯同傳不和的曾勵珍出擊，主動相約旗下藝人「傾偈」，多了解他們的心聲。

呻劇集炮灰時間播

對於如此受六嬸重視，馬浚偉昨晚接受電話訪問時表示不知情，但認為若然是真的會感到很開心，更感謝六嬸的賞識。問到為何於飯局上流淚？他謂：「嗰次係藝人同高層食飯，平時都會有，當時李寶安同梁乃鵬都在場，又飲咗少少酒，有傾到啲唔開心嘢，對公司有關嘅感受，希望公司可以做好啲。」

問到馬浚偉有甚麼不快？他說：「我同梁乃鵬講，唔好將我啲劇喺炮灰時間放，即係假期時段，其實都唔係咩喊，感觸落淚啫！」談到無綫如此有誠意，是否大有機會留低？他謂：「我依家都係拍緊劇，陳生（志雲）有搵過我傾，不過我都未有時間，呢啲要慢慢傾先可以解決，畀啲時間我啦！我嘅未來都要好好去想吓！」而陳志雲則至截稿前尚未有回覆。此外，每個周日都會返教會的他，昨日卻未見現身。

文：影視組