鄧穎芝夠慳再造紙着上身
闊別樂壇3年的歌手鄧穎芝（Van仔）近日推出新碟，封面原來非常環保，她說：「因為想慳錢，所以全部衫都係用再造紙做，一來平啲，可以控制成本，二來好多時啲歌服着一次就唔再着，變咗垃圾，咁做會好浪費，所以用紙做可以避免浪費布料，其實好多場合、做騷，都可以考慮用紙做衫，咁樣就唔會咁浪費。啲衫全部都係我設計，所以好環保。」
另外，平常愛自己駕車的她原來停車時都會熄匙，她說：「因為依家空氣好差，汽車廢氣令到香港空氣好污濁，好多人呼吸系統都會有毛病；另外，唔熄匙又會嘥油，依家世界嘅能源已經愈來愈少，大家好應該節約一下！仲有，依家溫室效應咁嚴重，停車唔熄匙為咗歎冷氣真係好唔應該囉！整到個地球咁熱。」
為了節電、避免溫室效應加劇，Van仔更加在家奉行「不足三個人不開冷氣政策」，實行做個環保香港人！