Stephy聞傅穎懺悔：佢一向衝動
傅穎（Theresa）日前在微博發表千字文懺悔錄，與Theresa屢傳不和的鄧麗欣（Stephy）前晚出席品牌kate spade活動，表示知道Theresa寫懺悔錄，但大家零聯絡，亦未有向她SMS說生日快樂，Stephy說：「可能佢想趁生日時分享心聲，希望佢經一事長一智。（覺得佢好衝動？）佢份人一向幾直接，係有少少衝動，但係每個人都會有錯，最緊要係知道未來點處理好就OK。」
唔提遇人不淑
Theresa自爆被羅仲謙打及分手一事令經理人公司十分不滿，往北京工作的計劃叫停及即時「入雪櫃」，據知Theresa已獲解封翻身有望，Stephy說：「希望佢有好發展，佢係聰明嘅女仔，望佢諗通同埋有新方向。（佢被打係遇人不淑？）唔評論，都過咗去唔好再提。」
江若琳拾自信
同場的江若琳早前拍戲要配合舉重選手的角色，需要增肥廿磅，她直言因感太胖故不敢出街，直至最近開始減肥後，才回復少許自信。
對於有傳內地有「限娛令」限制港、台兩地藝人在內地節目中亮相，江若琳說：「我唔知，如果係真，希望快啲解封，因為內地市場真係好大。」
文：名人組