范振鋒影婚照禁李思欣露肉
范振鋒（Ricky）、李思欣明年共諧連理，二人日前甜蜜影婚照，既出海、又落河，外景接影樓都甚有默契，不過，思欣卻大爆Ricky怕未來老婆被睇蝕，經常提點她要拉高婚紗，如此細心，難怪思欣大讚對方可以付託終身。
DJ范振鋒跟無綫藝人李思欣明年1月15日假金鐘的酒店舉行婚宴，雖然Ricky笑言要給思欣驚喜而未向她正式求婚，但二人的婚事已籌備得七七八八， 日前還出動拍婚照，雖然由朝影到晚，出海、落河、上影樓，但兩人全程零倦意，不時合拍大擺甜蜜甫士。
新郎哥在拍攝當天換了四個造型，Ricky謂：「拍拖都貪玩影過婚紗相，以前好興㗎，不過就造作啲，錫時會尷尬，今次就自動自覺，唔使人叫話咀就咀。」而新娘子思欣坦言結婚當日所穿的婚紗會度身訂造，問Ricky會否不想她性感？，她笑說：「佢都唔係咁想！頭先影時都不時叫我整番高啲件婚紗，我都尊重老公，佢錫我，我咪尊重佢囉！」
星級兄弟團
此外，Ricky透露兄弟團已邀得陳浩民、吳國敬、洪天明及DJ阿Bob（林盛斌）等，思欣的姊妹團則由楊秀惠及其他圈中好友及同學助陣。二人雖然相識一段日子，但正式拍拖其實未夠一年，思欣甜蜜表示：「我都覺得快（結婚），不過佢係個可以付託終身嘅人，有責任心，好照顧我，又唔會同女仔單獨出街，同朋友去街都帶埋我，自己喺呢行工作好冇安全感，但同佢一齊就好有。」
文：影視組