糖妹唔吼成熟大隻男
「宅男女神」黃山怡（糖妹）昨日出席手機活動，問到可會將新機送男友？她說：「依家冇男友，入行後都冇人追，可能我唔夠索，腳又短！」一向鍾情大隻仔的她，被問會否考慮與羅仲謙發展？她說：「佢太成熟！（唔鍾意佢花心、打女人？）佢鍾意打拳啫！」然後她補鑊說：「死啦！得罪羅仲謙！」
糖妹坦言現時未有心儀對象，問會否接受花心男士？她說：「我會觀察一段時間，由朋友開始認識，（行內有冇朋友？）好少時間識人。」另外，糖妹拍檔糖兄日前被網友拍得與貌似蔡少芬的索女友去海洋公園玩樂，她笑說：「阿嫂梗係索！糖兄都好努力減肥。」