無綫除了小生花旦醞釀逃亡潮外，編劇組亦成重災區，據知由監製梁家樹負責的組別，共有五名編審及十名編劇請辭，至於曾勵珍負責的組別，則有兩名編審及數名編劇請辭。據知無綫這次「軟硬兼施」游說員工留下，除出銀彈利誘，更表明於這段期間離職者永不獲錄用。再加上城市電訊只有十二個月糧，而無綫則有十二個月糧加花紅，一眾員工計過度過下，即有大半數人選擇繼續留下。另昨有消息指無綫編劇青黃不接，要向浸會傳理系尋求外援，而一月的劇集製作亦因逃亡潮受影響。
而昨日無綫一眾高層全數冇影，估計是外出積極尋找對策救亡，而同樣外出的外事部副總監曾醒明，則透過電話澄清新合約「冇搵笨」，他指公司曾約見「被挖」同事重審薪金，並按表現及目前薪酬加人工：「同事要簽一年死約確保呢年內唔會辭職，一年後會再按新合約嘅人工再作調整。」他表示截至昨日上午已有3、4位員工接受新合約，而其他忠心同事的薪金亦會再作調整。